Malisheva ka arritur të shënoj fitore në duelin e xhiros së 29-të në Superligën e Kosovës ndaj Ballkanit me rezultat 4-2.

Mysafirët e nisën më mirë takimin ku realizuan në minutën e 15-të me anë të Giovannit, shkruan Arbresh.info.

Me këtë rezultat u mbyll edhe pjesa e parë. Ndërkohë në etapën e dytë, Malisheva pati tjetër fytyrë.

Fillimisht në minutën e 56-të, vendasit arritën të fitojnë penallti, të cilën në gol e konkretizoi Etnik Brruti.

Tre minuta më vonë, skuadra vendase kaloi në epërsi 2-1 me golin e Diatta Assane.

Ndërsa tetë minuta para fundit, në skemë doli edhe një herë Etnik Brruti i cili shënoi për 3-1.

Ballkani ngushtoi epërsinë në minutën e 87-të me golin e Bleart Tolaj. Por deri në fund Malisheva shënoi edhe golin e katërt, për të arkëtuar tre pikë të mëdha në luftën për Evropë.

Vlen të theksohet se në stolin e Malishvës debutoi Bylbyl Sokoli, i cili arrin fitore në ndeshjen e tij të parë.

Me këto tre pikë, Malisheva është e katërta me 43 pikë, një më pak se Prishtina e treta, teksa Ballkani nuk arrin ta shfrytëzoj gabimin e Dritës, dhe mbetet me 49 pikë në pozitën e dytë./Arbresh.info